Sambandho na Gunchala By R. D. Patel

માણસ સંબંધો વગર જીવી શકતો નથી. પ્રારંભ પોતાની જાત સાથેના સંબંધથી થાય છે. પછી માતા-પિતા, ભાઈ-બહેન, પતિ-પત્ની-સંતાનો, પૌત્ર-પૌત્રીઓ, પડોશીઓ અને મિત્રો-પ્રિયજનો સાથેના સંબંધો આવે છે. આ સિલસિલો કુદરત અને ઈશ્વર સાથેના સંબંધ સુધી વિસ્તરે છે. સંબંધ હોય ત્યાં ટકરાવ અને ગૂંચવણ હોવાનાં જ. સાઇકોથેરપિસ્ટ આર. ડી. પટેલ લિખિત આ પુસ્તકના ટાઇટલની ટૅગલાઇન ‘ગૂંચવાયેલા સંબંધોને ઉકેલવાની વાત’ છે, પુસ્તકમાં આવરી લેવાયેલા દસ લેખોનો મિજાજ પણ આ જ છે. સાદી, સરળ અને અસરકારક ભાષામાં લખાયેલું વિચારોત્તેજક પુસ્તક.