Moun Nu Aakash By Gaurang Divatia

કોઈ પણ સર્જક પ્રથમ તો ઉમદા ભાવક હોય છે. મૂર્ધન્ય કવિ નરસિંહરાવ દિવેટિયાના વંશજ ગૌરાંગભાઈ પણ કવિતાના ચાહક તેમ જ ગુજરાતી ગીત-સંગીતમાં ઊંડો રસ ધરાવતા સુજ્ઞ ભાવક. સાંભળેલી અને ચાહેલી કવિતાઓનો સૂર તેમની કલમે જઈ બેસે છે અને સર્જાય છે કંઈકેટલાંય ગીતો અને ગઝલો. એક ગીતમાં કહે છે: આપો તો આપો એક મઘમઘતી પળ પછી લઈ લો આ કોરુંકટ આયખું. આપો તો આપો એક મનગમતી પળ પછી લઈ લો આ આખુંય આયખું.   જીવનની સમીસાંજે સરવૈયું માંડ્યું ત્યારે ખબર પડી કે આપણી પાસે આપણું કશું જ નથી હોતું. આ હકીકત રજૂ કરતો એક શેર તો જુઓ: કોઈ બીજાની વાત લઈ જીવી ગયા અમે કોઈ બીજાની જાત લઈ જીવી ગયા અમે. કૃષ્ણપ્રેમ, ખાલીપો, વિરહ અને વેદના જેવા ભાવોથી સભર આ કાવ્યસંગ્રહ રસિકોને સરળ ભાષામાં અભિવ્યક્ત થયેલા જીવનના વિવિધ રંગોનાં દર્શન કરાવે છે.